網紅的藏寶箱眾所週知，香港人好鍾意食米線，食到譚仔都上市了。
這種米線點解受歡迎？佬編聽過幾種說法。第一是連鎖店做大個餅的效應。去得食米線，通常不離那幾間大型連鎖店，而連鎖店的好處，就是you know what you will get。
打工仔學生日日要食飯，其實對食物質素不會太講究。常見的米線舖算不上好食，但也不會特別的難食。幾廿蚊大大碗，又可以自己揀餸，有時唔想諗，簡單就一餐。
另外則是羊群心理，有些本來是inside joke的東西，講講下越來越多人講，之後就會引起其他人的好奇。阿姐的口音是一例，辣度亦是一個talking point。
還有就是一些營養學上的迷思。米線米線，聽落好像比車仔麵健康、比雲吞麵organic，又無牛腩河咁肥，簡直是港女恩物。
但得罪講句，香港的雲南米線，油膩、餸多、口感厚重、味濃而單一，與佬編十幾年前在雲南吃的清爽、香辣，差得遠矣。
相比起來，佬編還是較喜歡以前通街係車仔麵的時光。當然，車仔麵的質素可以好參次。以前最常去的，是旺角女人街的興隆車仔麵，現在好像已經結業了。
佬編的MK仔時代，就是在鯊魚骨清湯底，以及另上的鹵水豆腐與雞翼中渡過。現在的車仔麵，一係好貴，一係好廢，值得食的越來越少了。
Search